Shawara da fata mai kyau ga Dr Isa Ali Pantami daga wani matashi dan arewa.

Wani matashi wanda yayi wa kansa suna Sarkin Labari, a shafinsa na facebook yayi wani rubutu da ya kira da shawararsa ga Dr Isa Ali pantami. Matsahin mai asalin su Abdullahi rubutun nasa da yayi ba shakka ya bada ma'ana sosai kuma yayi matukar jan hankalin masu kanrantawa. Mutane da dama sun ta yin tsokaci akai sosai da goyon bayan shawarar nan tasa kuma kusan ko wa da ya karanta post din nasa yayi fatan Dr Isa Ali Pantami da gwamnati APC zasu yi aiki da shawarar.
Ga dai shawarar da matashin ya bayar.

Sarkin Labarai dai ya fara da cewa:

Da ace Malam Isah Ali Pantami zai ce "Abdulhadi Isah Ibrahim ka bani shawari kwaya daya tak daga wurin ka a matsayina na Ministan Sadarwar Nigeria".

Ni kuma da sai ince "Allah ya gafarta Malam kafin ka sauka daga kujerar mulkin nan idan Allah ya amince, zan so ka jijjiga MTN da Airtel, Glo da 9mobile ta hanyar dawo da NITEL da MTel amma a harba su ta Airspace, sannan ayi musu SIM Card din su, hakan zai iya sa kira ya zamo One minute One Naira, kamar yadda muka ga kasashen duniya da dama sun dade da yin haka.

.

Ayi amfani da Network Airspace, ba sai an zagaya Nigeria an kafa karfen Network ba (Mast) kamar yadda MTN, Airtel da sauran su suka yi, idan aka ce za'a tsaya kafa karfen Network toh za'a bata lokaci shekaru masu yawa ana abu daya, a dawo da NITEL da MTel ayi musu SIM card, za'a iya samar da network din a duk fadin Nigeria ba tare da an kafa karfe ko kwaya daya ba, zai ci kudi Kam, amma ya dace ayi domin ba asara bace tunda wa yan kasa ne.

.

Idan har aka yi hakan toh zai samar da abubuwa uku wa Nigeria.

1. Zai samar da Billions of Naira wa gwamnatin Nigeria, za'a samu Karin kudaden shiga da za'a gina Nigeria dasu.

2. Zai kara Samar da saukin rayuwa wa 'yan Nigeria, saboda saukin Call, ba kamar yadda mutane suke shan azaba a hannu MTN, Glo, Airtel da 9mobile ba, talaka zai kara jin cewa gwamnati tana yi dashi.

3. Zai kara Samar da tsaro wa Nigeria, ta hanyar SIM card registration baza a rinka sayar da sirrin Nigeria da 'yan Nigeria ga wasu kasashe ba, saboda yanzu haka SIM registration da ake yi, baya hana ayi kidnapping din mutum, baya haka masu kidnapping su rinka amfani da waya, an san inda suke amma saboda suna amfani da Network din 'yan kasuwa ne ba lallai 'yan kasuwan su bayyana wasu abubuwan ba.

.

Sannan ko a yanzu jami'an tsaron sukan samu tirjiya sosai daga Service providers wurin bankado bayanan bata gari.

Yau idan aka ce gwamnatin Nigeria tana amfani da Airspace kuma aka Samar da Network mai karfi daga hannun gwamnati to wasu abubuwan baza su rinka fin karfinta ba.